شبيه الحور

الخميس مايو 28, 2009 10:03 pm

في بنات الجيل بشوف حسنك فريد
فيك قوام زي الغصن وكتين يميد
والجمال الفاتن الفات الحود
ربنا يغطيه من عين الحسود
والله خايف في مشيتك يسحروك
بسحروك يالسمحه لو شافو الخدود
والا شافو الاعين المكحولة سود

خوفي بس يالسمحه ماتصيبك عيون
بسحروك في البسمه لوشافو السنون
والسمار الباقي ليك ياحلوه لون
والدلال والروقه والنغم الحنون
ياشبيه الحور بخاف مايسحروك
بسحروك يالسمحه لو شافو الخدود
والا شافو الاعين المكحوله سود

العجيب كل البنات منك تغير
شافن الجسم اللطيف زي الحرير
والغزال حاسدك عشان فيكي الضمير
والهلال من نور جبينك يستعير
بسحروك الناس عشان مابشبهوك
بسحروك يالسمحه لو شافو الخدود
والاشافو الاعين المكحوله سود