لقيتة بيوم مع غيري ....

الأربعاء مايو 27, 2009 10:20 am

غريبه طبع بعض الناس !!! .... تجاوز حده الموثوق
مصيبه كيف يتجاهل ... حبيبه وماحسب له احساب

يلاطف كل من شافه .. بعالم ماعرف له طوق
وثق في ناس ... او انه .. كثير الحب والاحباب

يماري بكلمته ويعزف .. وتر شادي بكل الشوق
ولكن دون مايدرك .. بانه يلامس الاعجاب

نسى ان الهوى كلمه ... مع الاحساس تـجـي برفوق
مداها كل حدود الارض ... وعزاها الجرح لو ماطاب

حبيبي اللي انا اهواه ... نكر من عهدي الـمحـقوق
يظن القلب مايشعر ... ولا للغيره أي اسباب

لقيته بيوم مع غيري ... يداعب بالرضا مخلوق
وحكايتهم شعور انسان ... لقى حبه بعد ماغاب

غرام وحب مابين اثنين ... بدا في قول كلك ذوق
وتبعها قول اخوي ويا ... عزيزي ويا فدى الاصحاب

تمادى الخافي الاعظم ... وصار الود بالمنطوق
وصار الوقت يـتعبهم ... ويعيشون الامل لو خاب

بدا ميعادهم واضح ... بلهفة عاشق ومعشوق
خذتهم فكرة الصدفه ... بترانيم الحروف اطناب

ياقلب انسى وابي تعرف ... ترى هذا مثال العوق
حبيب ماحسب قربك ... ابي تحسبه مع الاغراب

تشوف العين من حالي ... سماء امطار غزاها بروق
وشجر واقف يموت ولا ... يغيب افراق بدون اعتاب

حكايه مالها اخر ... وسوالف ساقها لي سوق
حقيقه ماتهم الحين ... مدام ان الوهم مرقاب